الفراخ السردة والكتكوت الفرزة

الفرق بين الفراخ السردة (السرده او الجمبور ) والكتكوت الفرزة
في ناس كتير بتخلط بين الكتكوت الفرزة ابو جنية مع الباعة الجائلين والكتكوت التسمين وعشان نقدر نفرق بينهم لازم نفهم  الفرق
الكتكوت الفرزة بيبقا فرز ديوك فراخ بياضة بمعني ان الفراخ البياضة الغرض منها البيض يبقا مش بنحتاج الديوك لانها هاتكلفني علف علي الفاضي وتخسرني ومش بترمي لحم لان تحويلها ضعيف زي البلدي مهما كلت علف بتاخد اربع خمس شهور عقبال ما توصل كيلو وده مع العلف خراب بيوت  ولو الغرض بيض ملقح بنسيب مع الفراخ كل 9 فرخات ديك يعني بردو مش بنحتاج ديوك كتير والمعمل بدل ما بيعدم بيبعه بأي حاجة وده بيبقا مع الباعة الجائلين وسعات الفرزة كمان يبقا كتكوت تسمين في مشاكل او التهاب سرة او وزنة اقل من الوزن اقل من 40 جرام وده بيبقا نادر وللاسف فى ناس بتقع  فى مشاكل انها بتشترى الفرزة ده وتكلف علف وبعدين يكتشفو الموضوع بعد الخسارة
الفراخ السردة هي
فراخ تسمين كملت دورة التربية وكلت كل العلف المناسب ولكن حجمها فضل اقل من كيلو وربع وفي ناس بتقول كيلو ونص
الفراخ البيضا تسمين
دي فراخ الغرض منها اللحم وتم تعديل الجينات عشان يبقا تحويلها عالي في فترة قليلة توصل 35 او 40 يوم وبيبقا الكتكوت اتقل من الكتكوت الفرزة وقليل الحركة عكس الكتكوت الفرزة بيبقا لعبي وخفيف وكتير الحركة ،